Вечерва во рамките на 3. коло од Лига Купот на Англија, екипите на Брентфорд и Манчестер Сити остварија исклучително високи и убедливи победи над Олдам, односно Викомб.
Брентфорд броеше до седум, а Сити постигна шест гола во мрежата на членот на англиската Лига 1.
Новиот премиерлигаш постигна пет гола во првото полувреме на дуелот со Олдам, а во вториот дел додаде уште два во извонредните 7:0 на домашен терен. Форс блескаше постигнувајќи четири гола.
Манчестер Сити беше домаќин на Викомб совладувајќи го со 6:1.
Гостите поведоа со голот на Ханлан во 22. минута, но тој гол само ги налути „Граѓаните“, кои до крајот ја наполнија гостинската мрежа. Марез постигна два гола, а Де Брујн, Торес, Фоден и Палмер се запишаа во листата на стрелците со по еден погодок.
Ливерпул исто така немаше проблеми на гостувањето кај Норич. Минамино со два и Ориги со еден гол им донесоа победа на „црвените“ од 3:0.
Брентфорд – Олдам 7:0
Барнли – Рочдејл 4:1
Фулам Лидс Ј. 0:0 (5:6 пен.)
Манчестер С. – Викомб 6:1
Норич – Ливерпул 0:3
Престон – Челтенхам 4:1
КПР – Евертон 2:2 (8:7 пен.)
Шефилд Ј. – Саутемптон 2:2 (2:4 пен.)
Ватфорд – Стоук 1:3
Виган – Сандерленд 0:2