Со голем пресврт во второто полувреме, италијанскиот првак Интер успеа да дојде до победа на гостувањето во Фиренца против екипата на Фиорентина со 3:1.
Домашните први поведоа во 23. минута со голот на Сотил, што беше причина Интер да го смени ритамот на игра уште од стартот на второто полувреме и во брзо време комплетно да го сврти резултатот во своја полза. Дармијан погоди за 1:1 во 52. минута, а само три минути подоцна Џеко го донесе Интер и до водство од 2:1.
Точка на мечот стави Перишиќ со погодокот во 87. минута.
Во вториот меч вечерва Аталанта на домашен терен славеше со 2:1 над екипата на Сасуоло.
Standings provided by SofaScore LiveScore
