Ракометарите на Алборг одиграа уште една блескава средба во новата сезона од Лигата на шампионите, овој пат совладувајќи го француски Монпелје со 36:28 во меч од 2. коло во групната фаза. Данците на домашен терен беа неприкосновени и на крилата на фантастичниот Швеѓанец Сандел кој заврши со 11 постигнати гола, дојдоа до вториот триумф.
Во вториот меч кој заврши вечерва, екипата на ПИК Сегед без посебни проблеми со 30:21 славеше над ППД Загреб. Освен во првите неколку минути, Загреб не успеа да му парира на унгарскиот состав. Кај домашните со 7 гола, Шоштариќ заврши како најефикасен, додека кај гостите Клис и Вистороп имаа по 4 гола.
