Екипата на Лајпциг конечно заигра како што треба и што е најважно победи. Лајпциг кој е сметан за еден од фаворитите за титулата лошо ја почна сезоната, имаше само една победа до пред ова коло, а на последните три меча запиша два порази и едно реми.
Денеска се разигра и буквално ја растури Херта. Ја победи со 6:0! Нкунку, Полсен и Мукиеле погодија во првото полувреме, а Форсберг, Хаидара и повторно Нкунку во вториот дел.
Баер Леверкузен со гол на Вирц во 62. минута го совлада Мајнц, а со ист резултат Унион беше подобар од Арминија Билефелд. Ајнтрах и Келн одиграа 1:1, а Хофенхајм го победи Волфсбург со 3:1.
Вечерва играат Менхенгладбах против Дортмунд.
