Даниел Малдини кој има 19 години дебитираше за Милан на денешниот меч со Специја кој „росонерите“ го добија со 2:1. Даниел постигна гол во 48. минута за водство на Милан, противникот потоа изедначи, а Брахим Диаз ја обезбеди победата за миланската екипа.
Даниел Малдини е претставник на третата генерација на фамилијата Малдини кој заиграл за првиот тим на Милан и постигнал гол.
Пред него, во 1987 година татко му Паоло Малдини го реализира првиот гол за Милан во најсилната италијанска лига против Комо, а дедо му Чезаре во 1955 година го постигна првиот гол за Милан во Серија А на мечот со Триестина.