Милан Ристовски покажува дека е во супер форма, токму навреме, во пресрет на октомврискиот циклус и мечевите со Лихтенштајн и Германија. Нашиот репрезентативен напаѓач попладнево во дресот на Трнава успеа да му даде два гола на тимот на Дунајска Стреда и тоа на негов терен, меч кој беше дерби во Словачка.
Ристовски играше до 77.минута, кога при резултат 3:0 за неговиот тим беше повлечен од игра.
Првиот гол, нашиот репрезентативец го постигна во 42.минута за 2:0, додека во 66.,минута стрелаше за 3:0.
Со овие два гола сега Ристовски е на делба на првото место на листата на стрелците.
