Селекторот на Македонската репрезентација до 21. година, Драган Канатларовски предмалку го објави списокот на репрезенаттивци на кои ќе смета за претстојните мечеви од калификациите против Фарските Острови односно Ерменија на гостински терен.
Мечевите се играат на 7. односно 12 октомври, а ние во нив гледуваме по поразот од Франција на гости и ремито против Србија на домашен терен.
Имаме неколку одуства како на пример, австралиското дуо Чолаковски Божиновски кои поради ковид протоколите во Австралија не можат да пристигнат. Тука е како замена Давид Тошевски, а конечно на квалификациски дуел во дресот на Македонија ќе се приклучи и Алем Рустемоски.
Голмани: Давид Денковски (Брегалница 2008), Марко Алчевски (Академија Пандев), Дамјан Серафимив (Кадино);
Одбрана: Филип Антовски (Австрија Виена, Австрија), Блертон Шеји (Шкупи), Бесир Исени (Струга Трим Љум), Марио Младеновски (Македонија Ѓ.П.), Александар Ѓурковски (Тиквеш 1930), Адриан Хајдари (Рапид Виена, Австрија), Ѓорѓе Јанкулов (Борец), Јован Манев (Брегалница);
Средина: Бесник Ферати (Академија Пандев), Енис Фазлагиќ (Жилина, Словачка), Али Адем (Шкупи), Томче Гроздановски (Дуго Поље, Хрватска), Амел Рустемоски (Вил, Швајцарија), Лука Станковски (Работнички), Арби Воша (Македонија Ѓ.П.), Емир Скендери (Струга Трим Љум), Методи Максимов (Работнички), Лука Трајковски (Борец);
Напад: Давид Тошевски (Горник, Полска) Марко Ѓорѓиевски (Шкупи), Марио Илиевски (Септември Софија, Бугарија);
„За овие два квалификациски натпревари едноставно сме принудени да правиме промени во тимот. Се соочуваме со проблеми бидејќи отсуствуваат неколкумина стандардни фудбалери. Метју Божиновски и Стефан Чолаковски поради задолжителниот карантин во Австралија не се во можност да патуваат. Агон Елези поради повреда на коленото ќе биде надвор од тренажен процес во периодот што следува, а исто така поради повреда неизвесен е настапот, посебно за првиот натпревар на Енис Фазлагиќ“.
„Отсуството на четворица стандардни првотимци реално е проблем за нас, но мораме да се соочиме со ситуацијата. Одиме на победа на двата натпревари. Извлековме многу позитивни работи од дуелите со фаворитите во групата, Франција и Србија и се надевам дека резултатски ќе минеме многу подобро на октомвриските мечеви. Фарски Острови со нерешениот резултат против Франција потврди дека е сериозна селекција, играат тимски, со многу борба и трчање во текот на сите 90. минути, но верувам дека ние ќе бидеме на максимално ниво и од нас ќе зависи победата на мечот“.
Македонија до 21 година на воведните два натпревари од тековните квалификации освои бод против Србија на домашен терен, а загуби од фаворитот во групата Франција на отворањето од циклусот квалификации за ЕП 2023.
Собирот на репрезентацијата е закажан за 3. октомври во хотел „Александар Палас“ во Скопје.
