Вечерва почна новата сезона во кошаркарската Евролига, а со пораз тргна европскиот првак Анадолу Ефес кој доживеа неуспех на гости кај Реал Мадрид со 82:69.
„Кралевите“ одиграа одличен меч, и после првата четвртина имаа предност од 17 разлика. Често разликата изнесуваше и 20 поени, а на крајот домашниот тим славеше со 13 разлика.
Монако на свој паркет го совлада Панатинаикос со 75:63. Макаби Тел Авив беше подобар од Баерн со 69:68, додека Милано ја совлада ЦСКА со 84:74.
