Во неверојатна ситуација се најде младиот фудбалер на Олимпик Лион, Јанис Лагха. Имено тој доби повик од фудбалските федерации на Франција и Алжир, да се јави на собирот на У-18, и од едната и од другата.
Најинтересно е тоа што овие две селекции треба да се сретнат меѓусебе и тоа во пријателски меч наредниот викенд.
Сега останува самиот Лагха да одлучи за која репрезентација ќе настапи, за Франција или за Алжир.
Дали е чиста случајност или пак намера од едната федерација да го „украде“ големиот талент на Лион останува да се види.
Пред Лагха е голема енигма која мора самиот да ја разреши.
