Трансферот на Лионел Меси во ПСЖ од Барселона минатото лето беше еден од најголемите во историјата на фудбалот. Аргентинскиот напаѓач го постигна првиот гол во Лигата на шампиони и тоа против Манчестер Сити.
Меси е тема која никогаш нема крај. Во јавноста излегоа детали, за плановите на еден од најдобрите фудбалери во светот, а истите ги откри Луис Суарез.
Во разговор за „Diario Sport“, тој вели дека е изненаден што Меси заминал.
„Многу ме изненади неговото заминување, бидејќи се беше подготвено да остабе. Изгледаше среќно кога бевме заедно на одмор. Ми рече дека кариерата ќе ја заврши во Барселона, нешто што го сакаше од секогаш, бидејќи клубот направи многу за мене. Најважно му беше што неговите деца уживаа таму. Наеднаш дојде до промени, како во час и пол да ја промени својата одлука“, откри Суарез.
