По поразот од Вардар 1961 во минатото коло, Е.Пелистер брзо им се врати на победите во Супер-лигата. Битолчани максимално ја оправдаа фаворитската улога против Радовиш, го совладаа со убедливи 42-22 за четврта победа оваа сезона.
Уште на стартот на овој дуел беше познато крајното сценарио, по водството на битолчани од 8-3. На полувремето позитивата беше девет гола за домаќинот (19-10), кој не се штедеше, веднаш на стартот на вториот дел дојде до двоцифрени 20-10.
До крајот избраниците на Жељко Бабиќ доминираа на теренот, без проблем го приведоа овој дуел во своја корист.
Граџан со 8 гола и Мораше со седум беа лидери во таборот на Е.Пелистер, каде четири погоди имаше Танкоски. Кај гостинскиот состав Вујниќ имаше осум погодоци.
