Екипата на Челзи го совлада Саутемптон со 3:1 во меч од 7. коло на Премиер лигата. Со головите на Чалоба, Вернер и Чилвел „сините“ го земаа целиот плен против „светците“, а со оваа победа се најдоа на врвот на табелата со 16 бодови (пет победи, едно реми и еден пораз). Да потсетиме дека работите можат да се сменат затоа што Ливерпул, кој е втор и има два бода помалку, има меч за играње исто како и Манчестер Сити кој е на петтата позиција со три бода помалку од „сините“.
Вернер пополека влегува во форма по претходните неколку катастрофални месеци. Сега има пет асистенции и три гола
Лидс ја прекина лошата серија со победата од 1:0 над Вотфорд со голот на Љоренте.
А Вулверхемптон славеше дома против Њукасл со 2:1. Двата гола за „волците“ ги постигна јужнокореецот Хванг.
