Играчот на Вардар, Иван Николов е дополнително повикан за настап за У21 репрезентацијата на Македонија за претстојните мечеви против Фарски Острови односно Ерменија. По неколкуте откажувања од најразлични причини на неколку стандардни репрезентативци, селекторот Драган Канатларовски одлучи да го повика новиот играч за врска на Вардар, кој има полна минутажа откако пристигна во „црвено – црниот“ дрес.
Николов има солидно репрезентативно искуство од времето кога беше У19 репрезентативец и кога редовно беше повикуван како член на Академија Пандев.
