Пари Сен Жермен иако го има најскапиот состав на денешницата доживеа пораз од Рен (0:2) во француското првенство. ПСЖ се обидува да се врати на тронот во Франција но и да ја освои ЛШ меѓутоа променливите игри не наговестуваат дека може да направат подвиг. На тренерот Маурицио Покетино не му е лесно да го скроти ѕвездите во тимот како Меси, Нејмар и Мбапе…
„Дали сум лут? Секако дека сум. Без потценување за тоа што го направи Рен, но разочаран сум што не ги искористивме нашите шанси и што примивме такви голови. Тоа се ситуации кои мора да ме налутат и разочараат“, изјави Покетино кој додаде дека неговиот тим на почетокот на мечот ги одигра најдобрите 25-30 минути оваа сезона.
„Одговорноста е моја, нема поединечни одговорности во екипата. Не реагиравме психолошки кога го примивме првиот гол. Морам да кажам дека не е во прашање физички проблем, имавме пет дена од мечот со Манчестер Сити. Примивме гол кога игравме најдобро, а потоа и втор, а натаму приказната отиде во друга насока“, додаде Аргентинецот.
