Поранешниот потпретседател на Валенсија, Мигел Зорио, пред неколку дена претстави план за купување на мнозинство од капиталот на клубот од сегашниот сопственик Питер Лим, но по вчерашниот натпревар со Кадиз се огласи и сопственикот на Валенсија, со официјално соопштение демантирајќи ги гласините.
„Валенсија не е на продажба, дури ни дел од пакетот акции на нејзиниот најголем акционер. Питер Лим ја повторува својата посветеност и вклученост како максимален акционер, а пример за ова е предлогот за зголемување на капиталот што мора да биде одобрен на следното општо собрание на акционери. Во врска со изјавите што укажуваат на наводен „пријател“ на Питер Лим кој тврди дека тој ќе го напушти клубот, медиумите треба да појаснат за кого точно се работи. Дури и во хипотетички случај да постои таква понуда, таа би била одбиена“, велат од Валенсија.
