По серијата четири порази во низа Металург конечно дојде до првиот триумф во Суперлигата оваа сезона. Тимот од Автокоманда на домашен терен ја совлада Струга со 27-22 во меч од петото коло.
Израмнета игра имаше на стартот на натпреварот, по што Металург дојде до водство од 9-5, највисоката позитива во овој дел беше пет гола, на полувремето домаќинот замина со резултат 14-10.
Ракометарите на Металург не дозволија да им се случи сценариото од Кавадарци, овој пат одиграа постабилно против далеку послабиот противник, кој во ниту еден момент немаше простор за било какво изненадување.
Озтурк запиша 8 гола, Риберио имаше пет погодоци, кај гостите Јанковски реализираше шест гола.