Најдобриот светски тенисер Новак Ѓоковиќ може да се соочи со забрана за влез во Австралија на почетокот на следната година, доколку не се вакцинира против Ковид-19. Ако тоа се случи, Србинот нема да може да ја брани титулата на Австралија опен.
Премиерот на Викторија, Даниел Ендрјус, кој е категоричен дека на тенисерите кои не се вакцинирани против Ковид-19 нема да им биде дозволено да учествуваат на турнирот. Според информациите, Ѓоковиќ се уште не е вакциниран.
„Титулата не дава заштита за никого. Единствената заштита е да се прими првата и втората доза на вакцината”, изјавил Ендрјус.
