Напаѓачот на Рома Тами Абрахам се враќа во репрезентацијата на Англија за претстојните квалификациски дуели со Андора во гости и Унгарија на „Вембли“ . 24-годишниот фудбалер го замени Челзи за Рома и игра одлично во Серија А. Досега постигна четири гола и оствари две асистенции, а интересно е што дури шест пати ги погодил рамките на голот.
Како и да е, тој направи добар потег што го напушти Челзи по доаѓањето на Лукаку, а во Рома игра фантастично. Ова е прв повик во селекцијата на Англија по ноември 2020, а веќе има шест настапи и еден гол – против Црна Гора во ноември 2019.
На списокот го нема Рис Џејмс поради повреда, а повикан е Бен Чилвел. Тука се уште Лук Шо, Киран Трипие, Кајл Вокер, Оли Воткинс, Хари Кејн, Букајо Сако, Џедон Санчо, Џек Грилиш…
