Формула 1 потврди дека планира да биде целосно „еко-натпреварување“ до 2030 година. Ова ќе значи дека Формула 1 ќе се обиде да се ослободи од испуштањето на јаглерод диоксид во атмосферата со примена на нова технологија и ново гориво за болидите.
Првите луѓе на Формула 1 уверуваат дека болидите нема да ја загубат брзината, и покрај фактот дека моторите изградени според новите прописи ќе користат биогориво. Според нив, енергетската густина на горивото ќе остане апсолутно непроменета. Слично гориво веќе се користи во некои прототип возила.
За да се создаде „зелено“ гориво, ќе бидат потребни технологии за извлекување на јаглерод диоксидот или ќе се користат отпад и биомаса. Емисиите на стакленички гасови во споредба со конвенционалните горива треба да се намалат за најмалку 65%.
