Играчот за врска на Реал Мадрид, Касемиро нема да може да му помогне на Бразил на претстојните квалификациски средби за СП 2022 година, потврдија од Бразилската фудбалска конфедерација. Според информацијата, Касемиро има проблеми со еден заб.
„Добивме податоци од лекарскиот преглед. Касемиро има воспаление на заб и му е советувано да не прави дополнителни стресови во следните пет дена“, изјавил докторот на бразилската репрезентација Родриго Ласмар.
Бразилската репрезентација ќе игра на гости со Венецуела на 8 октомври, додека на 11 октомври се среќава со Колумбија. Веќе на 15 октомври „кариоките“ ќе бидат домаќини на Уругвај.
