Македонскиот женски вицепрвак ниту во второто коло не успеа да дојде до историската победа во јадранската лига. Екипата на Бадел 1962 на домашен терен беше совладана од фаворитот Целје со убедливи 59-92.
Кошаркарките на македонскиот претставник беа рамноправен противник шест и пол минути, по кои гостите со серија од 8-0 направија пресврт за водство од 14-21 по првата четвртина. Негативата на одморот беше уште поголема 28-49.
За жал, „баделки“ не успеаја да се вратат, на крајот го запишаа вториот пораз во ова натпреварување.
Трајчевска со 19 поени, 5 скока и 5 асистенции беше прв стрелец, зад неа беше Стојановска со 14 поени.
