Полскиот судиски интернационалец Бартош Франковски ќе ја дели правдата на петочниот натпревар на македонската фудбалска репрезентација против Лихтенштајн во Вадуц. Во рамите на 7. коло во групата „Ј“, Македонија ќе се обиде да ја обезбеди третата победа во групата на гостувањето кај селекцијата која по првите шест меча не успеа да слави нуту еднаш.
Франковски минатата година ни судеше на натпреварот од Лигата на нации во скопје против Грузија кој заврши нерешено 1:1. Тоа е мечот на кој Франковски на нашиот голман Димитриевски му покажа црвен картон.
