Премиерлигашот Њукасл ќе добие нов сопственик и тоа ќе биде конзорциум од Саудиска Арабија. Премиер лигата ја одобри продажбата со што Њукасл во наредните часови и официјално ќе добие нови газди.
Со тоа ќе виде ставен крај на 14-годишното владеење на Мајк Ешли за кого навивачите немаат позитивно мислење и одамна сакаат тој да го напушти „Сент Џејмс Парк“. Истражување покажува дека дури 93% од членовите на клубот се за продажба на клубот.
Сумата која Арапите ќе ја платат за Њукасл е 300 милиони фунти.
Инаку оваа продажба беше најавена одамна но се пролонгира затоа што државата Саудиска Арабија требаше да ги реши проблемите околу нелегалните преноси на натпревари во Премиер лигата.
