Денеска ќе се одиграат три меча од петото коло во машката Супер-лига. Во центарот на вниманието е дуелот во СЦ „Јане Сандански“, Вардар 1961 е домаќин на градскиот ривал Металург (18 часот).
Иако меѓу двата тима има голема разлика на клупата, сепак овие средби секогаш се посебни. Избраниците на Веселин Вујовиќ ќе ја бараат шестата победа во низа, која треба да биде загревање за дуелот со Монпеље во ЛШ закажан за 13. овој месец, исто на домашен терен.
На другата страна тимот од Автокоманда лошо ја отвори сезона, но минатото коло го запиша првиот триумф, па сега со далеку поголема самодоверба и атмосфера ќе влезе против градскиот ривал.
Пред оваа средба, Струга го пречекува пролет (16 часот), додека пак Охрид е домаќин на Е.Пелистер (19 часот).
