Македонскиот тркачки тим ПСС Рејсинг стана вицешампион на најзначаниот тркачки шампионат во Европа – ТЦР Европа. Како што велат од тимот, денешниот ден бил „игра на судбината“, но имале пех во квалификациите на трката во Барселона: прво дефект, потоа поништување на најбрзо извозените кругови на Давидовски и Џиролами кои се покажале како пресудни во квалификациите, а со тоа и врз исходот од првата трка која на крајот излезе како одлучувачка.
Франко Џиролами е втор во ТЦР Европа шампионатот, а шампион е Микел Азкона кој пред утрешната, последна трка не може да биде изместен од првата позиција.
На денешната трка Давидовски заврши на 11. место и се наоѓа на 16. место во генералниот ранкинг и веројатно таму и ќе остане, а Џиролами поради техничките проблеми заврши на 17. место. На утрешната трка очекуваат подобар настап и пласман.
