Продолжуваат предсезонските натпревари во НБА-лигата. Интересно беше на мечот меѓу Голден Стејт и ЛА Лејкерс. Тимот на Стив Кер покажа дека во новата сезона ќе биде и тоа како конкурентен, ги совлада „езерџиите“ со 121-114.
Втората и третата четвртина беа клучни за триумфот на Вориорс, кои по првиот период имаа негатива од 21-25. Лејкерси се вратија во последната четвртина, но немаа простор за пресврт.
Кари со 30 поени и две асистенции го предводеше својот тим. два поени помалку имаше Џордан Пул. На другата страна Леброн запиша 9 поени, Хауард имаше 23 поени и 12 скока.
Лука Дончиќ И Далас го совладаа ЛА Клиперс со 122-114. Словенецот одигра неполни 18. минути, во триумфот постигна девет поени, осум скока и исто толку асистенции.
Ѕвездата на Далас имаше шоу за време на загревањето. Покажа дека може да постигне кош без раце, топката ја дочека на рамо, а потоа прецизно ја сметси во мрежичката.
Pregame magic 🪄@luka7doncic pic.twitter.com/lWjVHFzi98
— Dallas Mavericks (@dallasmavs) October 9, 2021
Во центарот на вниманието минатата ноќ во НБА-лига се најде Никола Јокиќ, неговиот Денвер беше поразен од Минесота по продолжение со 112-114, но српскиот центар беше на скок до трипл-дабл. Зад своето име запиша 9 скока, 10 поени и 10 асистенции.
ФОТО: Голден стејт/твитер
