Македонија изгуби дома од Германија со 0:4 во меч од групата Ј со која Германците обезбедија пласман на СП во Катар, а ние со овој пораз паднавме на третото место на табелата. Тоа значи дека на второто место се искачи Романија која вечерва ја совлада Ерменија на свој терен и се приближи до баражот на две кола до крајот на квалификациите.
Романија славеше со 1:0 со голот на Митрица во првото полувреме. Во нашата група Исланд го победи Лихтенштајн со 4:0.
Во интересен меч во Осијек Хрватска одигра 2:2 со Словачка. Шранц ги донесе Словаците во предност, а Крамариќ изедначи, за пред крајот на првиот дел повторно гостите да дојдат до предност преку Харашлин.
Во 71 минута Модриќ изедначи и донесе бод за Хрватите.
А Турција победи со 2:1 на гостувањето кај Летонија. Демирал со автогол донесе водство за Летонија, а шест минути подоцна изедначи Дурсун. Во деветтата минута од судиското продолжение Бурак Јилмаз погоди од пенал за победа на Турците и задржување на шансите за бараж.
Во оваа група Турција е трета со 15 бода, Холандија прва со 19 бода, а Норвешка е втора со 17. Црна Гора има 11, Летонија 5, а Гибралтар нема бодови.
РЕЗУЛТАТИ
КИПАР – МАЛТА 2:2
БЕЛОРУСИЈА – ЧЕШКА 0:2
ЕСТОНИЈА – ВЕЛС 0:1
ХРВАТСКА – СЛОВАЧКА 2:2
ИСЛАНД – ЛИХТЕНШТАЈН 4:0
ЛЕТОНИЈА – ТУРЦИЈА 1:1
ХОЛАНДИЈА – ГИБРАЛТАР 6:0
НОРВЕШКА – ЦРНА ГОРА 2:0
РОМАНИЈА – ЕРМЕНИЈА 1:0
МАКЕДОНИЈА – ГЕРМАНИЈА 0:4
СЛОВЕНИЈА – РУСИЈА 1:2
