Во очекување на стартот на за нас историскиот квалификациски меч против Германија во рамнките од Мундијалската кампања вечерва на Арената Тодор Проески со почеток од 20:45. минути, вреди да се одбележат два јубилеја.
Нашиот голман Столе Димитриевски денеска ќе го одигра педесеттиот натпревар во дресот со националниот грб, и ФФМ за таа прилика ќе му додели пригодна награда.
Во исто време, Стефан Ристовски, капитенот на Македонската репрезентација, денеска ќе го одигра 73. меч за Македонија со што ќе го мине на вечната листа некогашниот капитен, Артин Шаќири кој има 72.
Повеќе настапи од Стефан Ристовски во моментов имаат Величе Шумуликоски (84), Гоце Седлоски (100) и секако Горан Пандев со 122 настапи за Македонија.
