Лерој Сане и Џошуа Кимих се фудбалерите кои беа стартери на сите 7 натпревари за селекцијата на Германија во квалификациите за Светското првенство 2022. Кимих помина 593 минути на терените во дресот на „панцирите“, додека Сане имаша за нијанса помала минутажа – 557 минути. На сите седум меча играа и Гнабри и Горецка, кои беа стартери на шест меча, а еден го почнаа од клупата.
Несомнено, прв стрелец на Германија во овие квалификации е младиот голгетер на Баерн (М), Серж Гнабри, кој веќе има 5 гола зад своето име. Најдобар асистент е Горецка, кој веќе реализираше 5 асистенции за своите соиграчи. Освен што е најдобар стрелец, Гнабри е и најголем потрошувач на топки во нападот. Тој на досегашните 7 меча за Германија имаше во просек по 3,3 шутеви кон противничките голмани на натпревар. Горецка е втор на оваа листа со просек од 2,6 шута кон противничкиот гол, а трет е, интересно, Робин Госенс, кој упатил во просек по 2,3 удари кон голот на противниците во неговите само три настапи во овие квалификации.
Во скок-играта, во составот на Германија вистински командант е Никлас Зиле. Дефанзивецот на Баерн (М) на четирите досегашни настапи во првиот состав на Германија во просек имаше по 2,3 добиени воздушни дуели со противниците.
