Поранешниот селектор на женската кошаркарска репрезентација на Шпанија Лукас Мондело ги тужеше Кошаркарскиот сојуз на Шпанија и претседателот Хорхе Гарбахоса поради незаконскиот отказ. Мондело бара КС на Шпанија да го врати на работа или да му го исплати договорот потпишан до 2024 година, пренесува „Мундо Депортиво“.
Тој доби отказ по ОИ во Токио, а на кои Шпанија не освои медал. Тоа беше втор лош резултат затоа што и на ЕП исто така не беше освоен медал. Сојузот се повикува на клаузули поради неисполнети цели, а Мондело тврди дека такво нешто нема.
Мондело исто така покренал правна постапка и против две искусни кошаркарки Ане Круз и Марта Шаргај кои го обвиниле за брутални методи на тренинг поради кои имале здравствени проблеми. Шаргај во интервју за „Ел Пас“ изјави дека добила булимија додека соработувале во Динамо од Курск, а Круз тврди дека тренерот и го уништил животот.
Мондело го предводеше шпанскиот национален тим од 2013 година, три пати го освои ЕП, а моментално е тренер во јапонскиот Тојота Антилопс.
