Секако дека прва тема на светската фудбалска јавност во моментов е тимот на Њукасл и се што периодов се, и ќе е случува со овој клуб.
Милијардите кои се најавени од страна на новиот сопственик секако дека се интересни за сите, како и играчите за кои истите се наменети.
Денешен Билд, објавува дека прва мета на Њукасл во следниот преоден рок, односно во Јануари, ќе биде првиот напаѓач на репрезентацијата на Германија и сегашен член на Челзи, Тимот Вернер.
Тој пристигна на Стемфорд Бриџ летото, 2020 година за речиси 50 милиони евра, но не се снајде најдобро. Лукаку таму сега е прва опција, скорот на Вернер е само шест гола и тоа е секако „одскочна“ даска тој да замине од Лондон. Њукасл очигледно дека ќе оди на супер звезди во тимот, маркетиншки тоа за нив ќе биде добитната комбинација а Вернер во моментов одговара на тој профил.
