Григор Димитров го креираше еден од најголемите пресврти во тенисот оваа сезона, го совлада Данил Медведев со 4-6, 6-4 и 6-3 и се за првпат во својата кариера се пласираше во четвртфиналето на Индијан Велс.
Со елиминацијата Медведев му помогна на Новак Ѓоковиќ да остане на врвот на АТП листата, доколку рускиот тенисер го освоеше Мастерсто, ќе имаше промени на светската ранг листа.
GriGOD 🙌
The moment @GrigorDimitrov defeated Daniil Medvedev for his first Top-2 win since 2016. #BNPPO21 pic.twitter.com/89rZmKpZLb
— Tennis TV (@TennisTV) October 13, 2021
Бугарскиот тенисер го загуби првиот сет со 4-6, но во следниот приреди неверојатен пресврт, губеше со 1:4, освои осум гемови по ред и си го отвори патот кон победата за 6-4 во вториот сет. Димитров во ист стил продолжи и во следниот сет, поведе со 5:1 за крајни 6-3.
Во полуфиналето бугарскиот тенисер за противник ќе го има Хуберт Хуркач.
