И покрај сите проблеми што ги имаат во клубот, од Барселона, поточно фановите на каталонскиот клуб си имаат и други “проблеми“. Имено тие се гневни на Роналдињо, некогаш мега – ѕвездата на Барселона, и тоа поради една објава на ПСЖ.
Во неа стои дека вечерва, на мечот со Лајпциг, Роналдињо како нивен поранешен член ќе биде почесен гостин на клубот од Париз. Се знае дека пред да дојде на “Камп Ноу“, Бразилецот блескаше во дресот на “светците“.
Фановите на каталонците сметаат дека Роналдињо како амбасадор на Барселона, не смее да биде почесен гостин на други клубови, посебно не на ПСЖ, со оглед на тоа дека таму од Барселона заминаа и Нејмар и Меси.
Токму затоа нивниот гнев, а и поради нивното мислење дека Роналдињо во последно време повеќе го сакал ПСЖ отколку Барселона, посебно откако Меси се пресели во Париз.
