Дербито на 9. коло во турската Суперлига помеѓу Трабзон и Фенербахче (3:1) предизвика бура од незадоволство во редовите на клубот од Истанбил. Навивачите на Фенербахче се собраа на аеродромот и ги дочекаа фудбалерите, а таму претседателот на клубот Али Коч и играчот Месут Озил им се обратија со смирувачки тонови.
На мечот Фенер остана со играч помалку уште во раната фаза, а тоа домашните го искористија за пресврт. Во Фенербахче се незадоволни од главниот судија Сансалан и испратија остри критики затоа што сметаат дека се оштетени.
„Судијата не се покажа праведен. По 23. минута игравме 10 против нивни 12. Судијата очигледно беше на нивна страна. Ова е „нож до коска“ и не е добра порака за во иднина. Фенербахче беше принуден да си ги бара правата. Нема повеќе да трпиме неправди и силно ќе се бориме против секаква штета што ќе ни биде нанесена од било кого. Веруваме во Переира (тренерот) и неговите помошници, во Месут Озил, Густаво, Алтај и останатите. Ќе се бориме до крај и ја барам вашата поддршка“, беа зборовите на Коч.
Потоа се обрати Озил со смирувачки тонови.
„Сега сме тажни, но верувајте во нас. Уште на следниот меч ќе покажеме кој сме и што сме. Останете зад нас и ветувам дека овој тим ќе биде шампион сезонава“.
По 9. кола Фенербахче е трет на табелта со скор 6-1-2 и 19 бодови. Лидер е Трабзон со 21 бод.
I love Turkish football 🤣
We are just 9 games into the Super Lig season
Fenerbahçe called for fans to turn up at the airport at midnight after slamming the refe following the Trabzonspor defeat
Thousands turned up. Ozil took the mic. It all got wild pic.twitter.com/5oDBpMjq5O
— Turkish Football (@Turkish_Futbol1) October 18, 2021
