Денеска во рамките на 10.коло на шпанската Ла Лига Валенсија одигра 2:2 со Мајорка на својата „Местаља“. Мечот имаше интересен тек. По првото полувреме фудбалерите на Мајорка водеа со 0:2, на стартот на второто полувреме останаа со играч помалку, а во судиското продолжение на мечот Валенсија постигна два гола и спаси бод.
Екипата е на 10-тото место на табелата со скор од 3 победи, 4 ремија и 3 порази. Денешниот резултат не му се допадна на фудбалерот на Валенсија Габриел Паулиста кој се пожали за недостаток на амбиција во екипата и дека очекува оваа сезона тимот да избори место во европските купови.
„Не можеме да излеземе на терен и да зборуваме дека не очекуваме пласман во Европа. Сакам да играм во Европа идната сезона. Дојдов во Валенсија да се борам за врвот, а не да се борам за 10-то место и да велам тоа е одличен резултат. Моравме да победиме против Мајорка. Не сакам да се надеваме место во Топ 10 на табелата туку да се потрудиме да избориме пласман во Европа идната сезона. Ние сме Валенсија и мораме да бидеме амбициозни. Две години не сме играле во Европа и мора да атакуваме таму. Не смееме да си дозволиме сезона како претходната“, изјави бразилскиот фудбалер.
