Реал Мадрид води на полувреме против големиот ривал Барселона на „Ноу Камп“ со 1:0. Погодокот го постигна Давид Алаба во 32. минута. По брз контра напад топката стигна до Австриецот на левата страна, а тој со силен шут од далечина ја смести топката во мрежата на Тер Штеген.
Претходно фудбалерите на Реал остро протестираа до судијата Санчез за ситуација за пенал. Арбитарот по консултација со ВАР не свирна удар од белата точка.
