Недостига уште дуелот Баерн Минхен – Борусија Дортмунд, за да овој 24 октомври 2021 биде совршен за фудбалскиот фан.
Замислете, денеска се играат најголемите дербија во Шпанија, Англија, Франција и Италија. Ла Лига, Премиер – лига, Лига 1 и Серија А.
Денеска е СУПЕР НЕДЕЛА, ден за фудбал. Затоа од 16:15 часот па до вечер, сместете се во своите фотелји пред ТВ приемници и уживајте. И се разбира мобилните или другите апарати да се до вас, да видите што има најново на порталите во врска со супер дерби мечевите.
Почнуваме со Барселона – Реал Мадрид и тоа од 16:15 часот. Продолжува супер денот со битката за Англија, меѓу Манчестер Јунајтед и Ливерпул од 17:30 часот. Потоа во 20:45 часот ќе се следат дуелите меѓу Марсеј – ПСЖ и Интер – Јувентус.
Во Марсеј ќе “гори“, доаѓа вечниот и пребогат ривал кој се уште нема пехар во ЛШ, а нели Марсеј има.
Зарем некој може да биде рамнодушен кога се игра „Дербито на Италија“ меѓу Интер и Јуве, двата вечни непријатели.
Уф, ден каков што може само да се посака.
Уживајте…
ПРОГРАМА:
16:15 – БАРСЕЛОНА – РЕАЛ МАДРИД
17:30 – МАНЧЕСТЕР Ј. – ЛИВЕРПУЛ
20:45 – МАРСЕЈ – ПСЖ
20:45 – ИНТЕР – ЈУВЕНТУС
