Интер и Јувентус одиграа без победник, 1:1 во големото италијанско дерби на „Џузепе Меаца“ вечерва во мечот од 9. коло на Серија А.
Најважните работи некако се случија во првите 20 минути и во самиот финиш од натпреварот.
Интер стигна до водство со голот во 17. минута од првата вистинска шанса. Чалханоглу шутираше, топката ја погоди стативата и дојде до Един Џеко, кој тресе за 1:0.
Јувентус се обидуваше да дојде до израмнување во остатокот од натпреварот. Шансата за реми дојде во 89. минута кога беше досуден пенал за „Старата дама“, а Пауло Дибала погоди за 1:1.
