Екипите на Бадел 1862 и Вардар остануваат непоразени по три одиграни кола во Првата женска лига, имаат максимални шест бодови.
Кошаркарките на Вардар потешко минаа во третото коло, на домашен терен против Струга 2009 добро се намачија. До триумфот дојдоа во самиот финиш благодарение на Начевска и Димовска. Вардарки славеа со минимални 63:61.
За разлика од нив Бадел 1862 беа преселини за Пробаскет, ги совладаа со убедливи 104:30.
Актуелниот шампион, екипата на Баскет Кам 2011 се покажа во едно такво издание на гостувањето кај Работнички (86:65), а чекорот со водечките екипи го одржува и Крива Паланка, која исто така, на гостински терен, беше подобра од МЗТ Скопје Аеродром (62:47).
Во групата „Б“, три екипи со по две победи во првите две одиграни кола. Новакот во друштвото на прволигашите, Тим Арена беше подобра од Куманово (56:40). Кавадаречки Трокал беше далеку поквалитетен ривал од Патирот 2016, на домашен терен победи со убедливи (83:62), додека пак „најтесно“ победи Гостивар, против новиот тим во Првата лига, Гризли со (61:57).
ПРВА „А“ ЛИГА-ЖЕНИ
РЕЗУЛТАТИ 3. КОЛО
Бадел 1862 – Пробаскет 104:30
Вардар – Струга 2005 63:61
Работнички – Баскет Кам 2011 65:86
МЗТ Скопје Аеродром – Крива Паланка 47:62
ТАБЕЛА: Бадел 1862 6, Вардар 6, Струга 2009 4, Баскет Кам 2011 5, Крива Паланка 5, Работнички 3, МЗТ Скопје Аеродром 3, Пробаскет 3;
ИДНО КОЛО (30.10)
Пробаскет – Струга 2009
Бадел 1862 – Работнички
Крива Паланка – Вардар
Баскет Кам 2011 – МЗТ Скопје Аеродром
ПРВА „Б“ ЛИГА
РЕЗУЛТАТИ 2. КОЛО
Тим Арена – Куманово 2020 56:40
Гризли – Гостивар 2009 57:61
Трокал – Патриот 2016 83:62
Риниа Баскет – Мега Баскет 72:47
Шкупи – слободен
ТАБЕЛА: Тим Арена 4, Трокал 4, Гостивар 2009 4, Гризли 3, Риниа Баскет 3, ЖКК Куманово 2020 2, Мега Баскет 2, Шкупи 1, Патриот 2016 1
ИДНО КОЛО (30.10)
Мега Баскет – Тим Арена
Патриот 2016 – Риниа Баскет
Шкупи – Трокал
Куманово – Гризли
Гостивар – слободен
