Познато е дека поради Локалните Избори 2021, натпреварите од 12.коло во ПМФЛ место во недела (31 октомври) ќе се играат ден порано, и тоа во сабота (30 октомври). Сепак еден меч ќе се игра в петок, а тоа е оној на Чаир меѓу Шкупи и Брегалница и тоа од 14 часот. Ова е поради фактот дека во секое коло мора да има два ТВ преноси од ПМФЛ на МРТВ и ТВ Арена Спорт.
Па така Комисијата за натпревари на ФФМ, во согласност со двата клуба, мечот меѓу Шкупи и Брегалница, што е и дерби на колото, го закажа за во петок со почеток од 14 часот.
