Работнички го заокружи првиот круг од шампионатот во Првата македонска фудбалска лига со пораз од актуелниот првак Шкендија во Тетово. Но, и покрај тоа, тренерот Влахо смета дека младиот тим на „романтичарите“ го одиграл еден од најдобрите мечеви сезонава.
„Доживеавме пораз од Шкендија, но ако го погледнеме изданието на тимот во целина, тоа е можеби најквалитетниот меч на Работнички оваа сезона. Има многу позитивни моменти, би сакал да продолжиме со таква игра и на наредните натпревари и верувам дека ќе дојдат многу подобри резултати“, вели шефот на стручниот штаб, Александар Влахо.
Во следното 12. коло, Работнички в сабота ќе му гостува на Борец во Велес.
