Поранешниот играч од средниот ред на Манчестер Јунајтед, Пол Инс, продолжи со критиките за работата на Оле Гунар Солскјер како главен тренер на тимот од „Олд Трафорд“.
„Не можете да ставите тренер во најголемиот клуб во светот, кој го испадна Кардиф, а потоа замина да го тренира Молде, и да очекувате дека со таков стручен штаб тимот ќе се бори со најдобрите клубови во светот. Имаат човек од младинската академија и Мајкл Керик, кој воопшто нема тренерско искуство. А во исто време се уште се поставуваат прашања за избраната тактика, за тоа што играчите не го покажуваат својот максимум. Само погледнете ги овие луѓе. Оле вели дека ова е одличен штаб, одличен? Да, тоа е глупост. Дали воопшто работат на одбраната таму? Дали разбираат каде треба да бидат играчите кога топката е во одредена област?“, вели Инс.
