Нема одмор во Серија А. Со три меча вечерва почна 10.коло. Екипата на Џенова продолжува со слабите резултати откако одигра 1:1 на гостувањето кај Специја и веќе седми меч по ред не знае за триумф. Џенова е на 18. место на табелата со седум освоени бодови.
Инаку Сиригу со автогол донесе водство за Специја, а изедначи Кришито од пенал во 86. минута. Пандев влезе кај Џенова во 70. минута.
Салернитана ја победи Венеција во гости со 1:2 со голови во второто полувреме. Во првиот дел Венеција имаше предност, а во вториот дел Бонацоли изедначи, а во петтата минута од судиското продолжение Скјавоне погоди за победа на гостите.
Вечер играат Милан и Торино.
