Македонското дерби во Еврокупот му припадна на Џејкоб Вајли, кој со неговиот Будуќност на домашен терен го совлада составот на Валенсија, чиј дел е Ненад Димитријевиќ, со минимални 71-70.
За црногорскиот состав ова беше втора победа во низа, додека за шпанскиот тим прв пораз.
Будуќност и Валенсија приредија одлична претстава, која домашните кошаркари ја добија во драматична завршница благодарение на добрата игра токму во последната четвртина.
Вајли беше стрелец на осум поени, осум скока и две асистенции, на другата страна Нено запиша два поени, два скока и една асистенција.
