Со 34 години, Луис Суарез почнува преговори за нов договор со Атлетико (М). Со оглед на тоа што вредноста на напаѓачот се мери со голови, Луис Суарез и натаму има висока цена во дресот на Атлетико Мадрид.
Уругвајскиот напаѓач дојде во Мадрид летото 2020 година, кога потпиша двегодишен договор и со 21 постигнат гол минатата сезона, му помогна на тимот на Симеоне да ја освои титулата во Ла Лига.
Договорот на Суарез истекува следното лето, но Уругваецот одлично се адаптираше во Мадрид и го овластил својот менаџер да преговара за продолжување на соработката со Атлетико бидејќи сака да продолжи да работи под палката на Симеоне.
Суарез и неговиот агент работат на продолжување на договорот до летото 2023 година.
