Македонскиот репрезентативец Бојан Миовски го постигна и петтиот сезонски погодок за својот МТК во мечот од 11. коло против Дебрецин во кој дојде до поделба на бодовите.
МТК и Дебрецин одиграа 1:1, а единствениот гол за домашните кој беше и прв на мечот го постигна нашиот интернационалец уште во 12. минута на средбата.
За Миовски ова е прв гол по пауза од еден месец, откако последен пат беше стрелец за МТК на меч во септември против Мезоковеди. МТК со овој бод е на 9. место во унгарското првенство.
