Сензација од Битола. Серијата на Вардар 1961 од осум победи во низа заврши токму во овој град. Вториот тим на Е.Пелистер го тресна актуелниот македонски првак, совладувајќи го со 27-26.
Ова не е било каква победа. Избраниците на Александар Јовиќ одиграа неверојатно добар натпревар, водеоа во текот на целиот дуел, противникот само на почетокот поведе со 0-1, а пред самиот крај успеа да израмни.
Битолската публика вечерва може да биде и тоа како задоволна. Во меѓувреме социјалните мрежи се исполнети со најразлични коментар, дел од нив се на сметка на скопјани, дел на сметка на Жељко Бабиќ и неговите момци.
Фановите му порачаа на Бабиќ да учи од Јовиќ и неговите ракометари, да видат како се игра против еден голем тим и како се победува.
