Селекторот на женската фудбалска репрезентација на Сиера Леоне, Абдула Калоха Баха, е уапсен под обвинение за сексуално вознемирување. Пред неколку дена тој беше сменет од функцијата по жалбата на дел од фудбалерките во националниот тим.
Фудбалската федерација на Сиера Леоне доби аудио снимки кои го потврдија скандалозното однесување на тренерот. Тој извесно време малтретирал неколку од репрезентативките испраќајќи им недолични СМС пораки, а подоцна и им се заканувал.
