Муниаин во продолжението ја скрати радоста на Сосиедад во баскиското дерби

Со голот на Муниаин во 91. минута, Атлетик Билбао успеа да се спаси од пораз на големото баскиско дерби на гости кај Реал (С). Исак од пенал ги доведе фудбалерите на Реал Сосиедад во водство, кое домашните го одржуваа до самиот крај на мечот.

Сепак, упорноста на гостите кои играа и со играч помалку по исклучувањето на Иниго Мартинез им се исплатеше и во финишот се изборија за реми.

Реал Сосиедад има бод предност пред Реал (М) и Севиља, но има и натпревар повеќе на врвот на Ла Лига.