Стефан Додиќ, ракометарот на Охрид од следното лето ќе биде член на Келце, на еден од најдобрите клубови во Европа. Имено српскиот репрезентативец потпиша договор со полскиот шампион и од јуни 2022 ќе игра за тој тим.
Секако дека ова е голем трансфер за младиот ракометар на Охрид, кој претходно играше и за Металург, но поради проблеми во клубот од Автокоманда тој се пресели во Охрид.
Додиќ има само 18 години и важи за еден од најталентираните српски ракометари. Инаку од Келце и официјално потврдија за овој трансфер а Додиќ во полскиот клуб ќе има договор до 2026 година.
